NIAY maayo nga balita alang niadtong nga motorista nga kanunay maisyuhan og citation kay way lisensya o wa kapa-renew ug bisan na sa ilang rehistrasyon sa mga sakyanan.

Kay ang E-Patrol sa Land Transportation Office (LTO) sa Central Visayas ang moserbisyo sa mga Talisaynon karong Sabado, Pebrero 15.

Moserbisyo ang E-Patrol sa LTO sa tubangan sa buhatan sa City of Talisay-Traffic Development Authority (CT-TODA) o mismo sa Inasal Park.

Ang E-Patrol LTO nakig-alayon sa buhatan ni Talisay City Mayor Gerard Anthony Gullas Jr. aron mas daghan ang makabenipisyo.

Giawhag ni Gullas ilabi na kadtong mga naghabal-habal driver o bisan kinsa nga kuwang sa mga lisensya sa pagmaneho sa pag-avail. (FMD)