Siyam ka buwan nga mabdos ug iyang bana ang nadakpan sa buy-bust sa kapulisan sa Sawang Calero Police Station sa dakbayan sa Sugbo, pasado alas 8:00 sa gabii sa Martes, Hunyo 6, 2023 sa Barangay Suba ning siyudad.

Ang shabu nga nasakmit moabot og 10 gramos nga mobalor og P68,000 subay sa standard drug price (SDP).

Matod ni Talosig nga usa ka semana nga gimonitor sa iyang mga operatiba ang kalihukang ilegal sa magtiayon hangtod na nga gilusad ang raid.

Ang mga suspek dunay pito ka mga anak samtang nagsabak karon sa ikawalo nga hapit na sab manganak.

Giingong nisulod na lang sila sa pagpamaligya og drugas aron may pangbayad sa pagpanganak.

Kaso nga paghupot ug pamaligya og drugas nga kalapasan sa Republic Act 9165 kun Comprehensive Dangerous Drugs Act of 2002 ang atubangon sa mga suspek.