NAMATAY ang usa ka mag-uuma human gipusil sa iyang silingan gamit ang pugakhang Martes sa alas 6 sa gabii, Mayo 19, 2020, sa Sitio Malbog, Brgy. Salug, lungsod sa Dalaguete, habagatang Sugbo.

Si Felix Amper, 53, minyo, mag-uuma, nakaangkog duha ka mga samad pinusilan sa dughan ug ubos sa tiyan.

Samtang nadakpan ang suspek nga giilang si Rino Pia, 39, minyo, mag-uuma, silingan.

Panimawos maoy nation sa kapulisan nga motibo sa pagpatay.

Si Police Corporal Jem Pacaldo, sa Dalaguete Police Station nga nahinabi sa Superbalita Cebu nagkanayon nga si Amper naglakaw gikan sa iyang umahan padulong mopauli.

Wa siya makabantay nga si Amper nagpahipi, nag-atang kaniya ug dihang naduol, siya gipusil hinungdan sa iyang kamatayon. Matod ni Pacaldo nga si Pia nadakpan sa hot pursuit operation sa Dalaguete Police ug mga sakop sa Regional Mobile Force Battalion (RMFB-7).

Si Pia niangkon sa kremin dihang siya naabtan sa mga pulis sa iyang balay.

Gibutyag ni Pia ngadto sa kapulisan nga kaaway sa ilang pamilya si Amper sanglit mao kiniy mipusil patay sa iyang uyoan pipila na katuig ang milabay. (GPL)