NAVAL, Biliran - Nipagawas og kamanduan si Naval, Biliran Mayor Gerard Roger Espina bahin sa mga kawani nga magsige og duwa og mobile games.

Matod sa mayor, daghan na siyang nadawat nga report nga dunay mga kawani nga magsige lang og duwa og mobile games sama sa Mobile Legends ug PUBG.

Kini gihimo sa pipila ka kawani bisan oras sa trabaho.

Niini, nipagawas og kamanduan si Espina aron mamahimong warning sa mga masakpan nga magduwa.

Matod sa memorandum, mamahimong mataktak sa trabaho ang kawani nga masakpan nga magduwa og mobile games kon mapamatud-an nga guilty.

“I hope that with this memo, suspected employees will “level up” their maturity in terms of the seriousness of public service or “squad up” to find a new place of employment,” tipik sa memorandum.

Subli mipahibawo si Espina sa mga kawani nga wa sila gipatrabaho sa munisipyo aron magduwa og mobile games.