Manag live-in partner nga mga residente sa Sityo Kawayan, Barangay Lagtang, Dakbayan sa Talisay, nadakpan sa buy-bust sa kapulisan sa Martes sa kaadlawon, Nobiyembre 29, sa Barangay Subangdaku, Dakbayan sa Mandaue.

Ang grupo ni Police Captain Emmanuel Rabaya, hepe sa Station 3 sa Mandaue City Police Office (MCPO) nipahigayon og buy-bust sa alas 12:10 sa kaadlawon sa dan Logarta, Barangay Subangdaku.

Kini niresulta sa pagkasikop nila ni James Anthony Paunil, alyas Jimpoy 31; ug kapuyo niini nga si Riza Lanquido Melorin, 27, pulos, mga lumolupyo sa Sityo Kawayan.

Atol sa operasyon, moabot sa 310 gramos nga shabu ang nasakmit sa mga operatiba nga mobalor og P2.1 milyunes subay sa standard drug price (SDP). /