GIKOMPIRMAR sa hepe sa Mandaue City Police Office (MCPO) PSSupt. Roberto Alanas nga adunay onse ka mga kandidato sa barangay ug Sangguniang Kabataan (SK) kinsa mopapili pagka-opisyal ang nalakip sa drug watchlist sa dakbayan.

Sa 11 ka mga kandidato, walo niini ang magpapili pagka-opisyal sa barangay samtang ang tulo magpapili pagka-SK.

Sa walo ka mga kandidato, duha niini ang nalambigit sa iligal nga drugas nga padayong gi-validate sa MCPO, usa ang nasikop niadto sa operasyon sa PDEA 7 ug ang lima nisurender sa kapulisan.

Sa watchlist sa MCPO, adunay tagduha ka personalidad nga gikan sa Brgy. Mantuyong ug Tabok samtang tag-usa ang gikan sa Brgy. Centro, Tipolo, Labogon ug Looc.

Samtang pulos sab mga surrenderee ang mga SK nga kandidato nga nalakip sa listahan kinsa pulos taga. Brgy. Casili. (JPP)