Wa unay dawaton nga international flights sa Mactan Cebu International Airport (MCIA) sugod sa Mayo 14 hangtod na sa Mayo 15, 2021.

Atol sa virtual press conference sa Mayo 13 nga gitambongan nila ni DOH-7 Director Dr. Jaime Bernadas ug mga opisyal sa Department of the Interior and Local Government (DILG) – Usec. Epimaco Densing III ug Central Visayas Director Leocadio Trovela, gi-pahibaw ni Cebu Governor Gwendolyn Garcia nga puno-puno na ang 2,500 ka mga kwarto sa 35 ka accredited quarantine hotels nga gitagana alang sa overseas Filipino workers (OFWs) ug returning overseas Filipinos (ROFs).

Ang mga OFW ug ROFs anha pahuwaton sa mga hotel sa resulta sa ilang real-time polymerase chain reaction (RT-PCR) test. (ANV)