GILUNSAD ang paghatag sa Metrobank Foundation ngadto sa Sugbo Chinese Heritage Museum Foundation, Inc. sa Gotiaoco Building nga nahimutang sa MC Briones St., siyudad sa Sugbo niadtong Lunes sa buntag, Pebrero 18.

Ang Gotiaoco building natukod niadtong tuig 1914 pinaagi kang Don Pedro Gotiaoco.

Ang maong kolonyal nga building nahimo nga usa ka landmark diri sa syudad sa sugbo.

Gipangulohan ni Bob Gothong, chairman sa Sugbo Chinese Heritage Museum Foundation (SCHMFI), ang seremonya diin iyang gipasalamatan ang tag-iya ug ang pamilya ni Don Pedro Gotiaoco sa pagdonar niini nga building.

Matod ni Gothong nga ang maong museum mahimo nga instrumento arong makita sa mga umaabot nga henerasyon kon unsa ka adunahan ang Sugbo sa kasaysayan, panulundon ug kultural sa mga Insik.

Himuon, kini nga labing una nga Chinese-Cebuano nga museum diin ipakita ang siglo nang pagtinabangay sa mga Insik ug ang mga Pilipino kaniadto.

Ang museum mag-exhibit og heritage pieces ug mga koleksyon sa heirloom aron kini matipig ug malambo ang kultura, tradisyon ug kabilin sa mga Cebuano-Chinese.

Nihatag usab og inspirational talk si House Speaker Gloria Macapagal-Arroyo, kinsa mipaambit sa iyang kalipay nga siya parte sa serimonyas.

Matod niya nga panahon na aron ang Siyudad sa Sugbo maghimo na og museum mahitungod sa mga panulondun sa mga Insik sa Sugbo.

Mihatag usab kini ug komedya ngadto kang Mayor Tomas Osmeña.

“Mayor Tommy, I don’t know if it’s you who said this but there’s an urban legend said that quotes you as saying that Cebu doesn’t have a Chinatown because Cebu is one big Chinatown,” matod ni Arroyo. (Jolissa Mae Taboada, USJ-R Intern)