DUL-AN sa 4,000 ka mga job order ug contract of service employees gikan sa nagkalain-laing ahensiya sa gobyerno lukop Central Visayas ang mokuha sa special Career Service Examination, Pen and Paper Test (CSE-PPT) karong umaabot Oktubre 14.

Kini himuon aron mahatagan og kahigayonan ang maong mga empleyado nga makakuha ug civil service eligibility para makakuha ug permanente nga posisyon sa ilang gitrabahoang ahensiya.

Matod ni Editha Luzano, ang regional director sa Civil Service Commission (CSC) 7, nga subay kini sa CSC-COA-DBM Joint Circular No. 01, series of 2017 diin nag-require na sa sa mga national government agencies nga ipaubos ug procurement process ang ilang kuhaon nga mga job order ug contract of service nga mga kawani.

Gawas niini, nalatid usab sa maong circular ang mga guidelines nga kinahanglan usab nga sundon sa mga ahensiya.

Wa hinuon mahilakip sa maong circular ang mga local government units (LGUs).

Sa mga buot mokuha sa exams, 1, 903 niini ang gikan sa Negros Oriental ug Siqujor, 1,019 ang sa Bohol, ug kapin sa 2,000 ang sa lalawigan sa Sugbo.

Giawhag ni Luzano ang ubang mga pangu of agencies dinhi sa rehiyon sa pag-sumite sa ilang buhatan sa mga ngan sa ilang JOs ug contract of service nga mga kawani aron makakuha sa maong exam.

Gihatagan sila hangtod Agosto 31 aron mo-file sa ilang aplikasyon aron mokuha sa exams. Ang CSE-PPT, adunay examination fee nga P500. HBL