ORMOC City-Mokabat sa 6,000 board feet nga kahoy nga Lawaan nasakmit sa mga awtoridad sa boundary sa Barangay Quezon Jr ug Gaas ning dakbayan.

Nasayran nga way mga dokumento ug permit gikan sa Department of Environment and Natural Resource (DENR) ang pagpamutol.

Matod ni Ormoc City Mayor Richard Gomez, nakadawat sila og tip gikan sa usa ka impormante nga dunay nahitabong illegal logging sa maong lugar.

Pasado alas 7 sa buntag, Martes, Pebrero 19, 2019, giadto sa taga DENR, Ormoc City Police ug ni Gomez ang lugar.

Didto naabtan ang mga naggabas sa maong mga kahoy.

Dunay impormasyon nga usa ka negusyante sa dakbayan sa Ormoc ang nisugo sa pagpamutol.Apan mao pa kini ang susihon sa awtoridad.

Naa na sa DENR ang nasakmit nga mga kahoy.