MGA lechonero sa Siyudad sa Talisay ingon og nag-panic buying, nang-hoard og mga stock sa buhing baboy.

Tungod sa daghang order sa lechon ning mga buwan nga Ber ug pag-menus sa suplay sa mga baboy tungod sa estriktong pag-inspection sa veterinary office sa Talisay City taliwa sa pork ban, ang mga lechonero ningdangop kang Mayor Gerald Anthony Gullas.

Nagsugod ang “panic buying” niadtong Septiyembre 14 human nga adunay mga baboy nga gikan sa isla sa Negros nga gi-transport unta alang sa Talisay wala kalahos human kini gipugngan.

Gipugngan kini tungod sa kakulang sa mga papelis alang sa pag-transport sa baboy isip pagpahingusog sa kampanya batok sa African Swine Fever (ASF)

Kaniadto, kon pila lang ang order nga lechon, mao ra usab ang ilang paliton nga gidaghanon sa baboy.

Apan karon, kon adunay walo ka lechon nga order sa usa ka adlaw lang, 20 na daan ka mga baboy ang paliton sa usa ka lechonero. (FMD)