Dili mominos 31 ka mga lider sa barangay nakat-on sa mga naila nga maayong buhat sa pagdumala sa mga basura sa ilang tagsa-tagsa ka komunidad subay sa pagpasiugda sa Taiheiyo Cement Philippines, Inc. (TCPI).

Gipasiudga sa TCPI alang sa mga opisyal sa mga barangay ug purok ang usa ka espisyal nga information, education and communication (IEC) program nga may labot sa Solid Waste Management (SWM) sulod sa planta sa San Fernando ning bag-o lang.

Gibuhat kini sa kompaniya nga kabahin sa pagsaulog sa National Environmental Awareness Month nga hiniusang giandam sa Environment and Safety Department (ESD) ug Community and General Affairs (CGA) section.

Kompleto ang mga opisyal sa South Poblacion nga host barangay sa TCPI atol sa maong programa uban sa mga tinugyanan sa nagkalainlaing lokal ug nasudnong mga ahensya sa kagamhanan nga anaa sa lungsod.

“Katuyoan namong matabangan pag-pagpasabot pa ang atong mga hingtungdan ug, sa maong paagi, makunhoran ang mga plastik nga gipanglabay ilabi na sa sapang Luknay ug sa kinatibuk-ang San Fernando,” matod ni Dwight Avila, tagduma sa ESD.

Nihatag sa mga pagpasabot si Engr. Cindylyn P. Ochea, kinsa nangulo sa Environmental Education and Information Unit (EEIU) sa Environment Management Bureau (EMB-7), nga kinuha niya sa mga nagkalainlaing mga pinakamaayong buhat sa nasod.

Pagkahuman sa seminar, nisaad ang 31 nga misalmot nga aktibong mopakunhod sa polusyon sa mga plastik pinaagi sa pagbutang sa ilang tiniman-an sa usa ka commitment wall. (PR)