Nitapon na sa Team Frasco ang mga mayor sa isla sa Camotes ug gikatakda nga manumpa ubos sa One Cebu party nga gipangulohan ni Cebu Governor Gwendolyn Garcia.

Kini maoy gipahibaw sa kampo ni Deputy Speaker ug Kongresista Franco ‘Duke’ Frasco pinaagi sa iyang social media page.

Ang upat ka mga incumbent mayors sa lungsod sa San Francisco, Poro, Tudela, ug Pilar nanumpa atubangan nila ni Frasco, asawa niini nga si Tourism Secretary Christina Frasco ug Liloan Mayor Aljew Frasco sa Nobiyembre 21, 2022.

Nalakip sa mga nanumpa sila si San Francisco Mayor Al Arquillano ug Vice Mayor Aly Arquillano, Tudela Mayor Jojo Solante ug Vice Mayor Erwin Yu, Poro Mayor Gary Rama ug Vice Mayor Dina Rama, Pilar Mayor Winkey Santiago ug Vice Mayor Chiziline Maratas.

Si Danao City Vice Mayor Ramonito Durano III, Barug Alang sa Kauswagan ug Demokrasya (BAKUD) sa iyang bahin miingon nga nakasabot siya sa pagbalhin sa mga kanhi kaalyado sa politika.

“It is unfortunate, but its the political reality. We understand the circumstances and we do not harbor ill-feelings towards defecting party-members, partners, and friends. In fact, prior to any of this, they have reached out and informed us about their plans,” matod ni Durano III pinaagi sa text message sa mga tigbalita.

Dugang niya nga isip usa ka organisasyon, misaad kining padayon nga moserbisyo sa katawhan sa quinto distrito. (ANV)