MGA sakop sa Crisis Response Battalion Management nga nagokupar sa Cebu City Sports Center andam mopahawa kon adunay kamandoan gikan sa Police Regional Office 7 human nireklamo ang management sa pasilidad nga naguba na ang mga kagamitan niini sama sa swimming pool.

Kini human nireklamo ang manager sa CCSC, Jundel Bontuyan, nga wa na nila maatiman ang tibuok sports center hinungdan nga adunay bahin niini nga nangaguba na sama sa oval ug swimming pool.

Matod ni Police Lieutenant Colonel Ryan Devaras, kasamtangan nga deputy city director for administration nga niadtong milabayng buwan, nakighinabi niya si Bontuyan nga ila nang gamiton ang sports center tungod kay ablihan na nila sa publiko. (AYB)