MOTORSIKLO nga Suzuki Raider ang ana-a na karon sa kustodiya sa Clarin Police Station sa Probinsiya sa Bohol human giabandonar lang daplin sa dalan sa Barangay Comang, Lungsod sa Clarin.

Si Police Staff Sergeant Bomer Garciano sa Clarin Police Station niingon nga nadawat ang usa ka tawag sa cellphone sa concerned citizen.

Napalgan ang nahisgutang motorsiklo pasado alas 8:00 sa buntag sa Huwebes, Pebrero 24, 2022.

Usa ka Suzuki Raider R150 nga color pula ug itom nga dunay plaka 0401-410929 ang motor. Subay sa taho, duha na ka adlaw nga giabandonar sa nahisgutang lugar nga wala na balika.