Balita

Naga mopadala’g cash assistance sa pamilya sa 5 ka rescuers sa Bulacan

Benjie B. Talisic

Ang Kagamhanan sa dakbayan sa Naga mohatag og financial assistance ngadto sa nahabilin nga mga pamilya sa lima ka rescuers nga mga sakop sa Bulacan Provincial Risk Reduction and Management Office (BPRRMO) nga nangamatay atol sa pagsanong sa ilang tahas atol sa Bagyong Karding.

Matud ni Naga City Mayor Valdemar Chiong nga nahinabi sa Sunstar Cebu sa Miyerkules sa hapon, Septiyembre 28, 2022, nga nagkasabot sila nga mohatag og ginagmay nga tabang ngadto sa pamilya sa mga rescuer.

“Ang akong stand ana nga tanan gyud ang hatagan og assistance,” matod ni Chiong.

Hinuon, iyang gipahibawo nga dili pa final nga kasabutan kon pila ang mahatag nga tabang pinansiyal ngadto sa pamilya sa nangamatay.

Matud ni Chiong nga dunay pundo ang disaster management office nga maoy ilang kuhaan sa budget nga ihatag nga tabang apan sa kasamtangan wala pa siya’y kasayoran kon pila ang ihatag nga financial assistance.

“Kon maapeke gyud, kanang tag P20,000 mao na atong ihatag nga ginagmay nga tabang,” dugang ni Chiong.

Ang naandan nga pamaagi sa paghatag sa tabang mao ang pagtahas og konsehal nga maoy modala ngadto sa hataganan aron mapaabot ang tabang.

Ang duha sa mga nangamatay nga rescuers maoy gipadala sa Kagamhanan sa Bulacan niadtong 2018 sa Naga City sa Sugbo aron motabang sa pagpangita sa natabunan nga mga tawo sa landslide sa Barangay Tinaan.

File photo

Pagasa: It will be a hot CVIRAA week

Over 4K megawatts to boost power supply in 2024

Study shows 'degrading state' of marine life in PH’s Sandy Cay 

US, Japan, Australia, PH call out China over activities in WPS

Cedric Lee now at NBP