Usa ka menor de edad namatay human nakuryentihan dihang nisaka sa atop sa simbahan sa Brgy. Daanlungsod, lungsod sa Medellin, amihanang Sugbo sa alas 4:15 sa hapon sa Biyernes, Hunyo 11.

Si Dam Vincent Caduyac, 16, patay nang niabot sa tambalanan.

Si Police Master Sgt. Raymond Pepito, imbestigador sa Medellin Police Station, nagkanayon nga si Caduyac nisaka sa atop sa simbahan kay dunay giayo.

Apan aksidenting nahikapan niya ang main line sa Cebeco 2 hinungdan nga nakuryentihan siya. Mga tawo sa dapit nakabantay sa hitabo.

Dali siyang giluwas ug gidala sa tambalanan, apan patay na siya sa pag-abot tungod sa grabeng nahiaguman, matod sa doktor nga nihiling.

Matod pa ni Pepito nga alas 6:00 na sa gabii sa Biyernes na report ang insedente.

Di ang pamilya maoy nireport kon ding lineman na sa Cebeco 2 nga si Alvin Ochea maoy nipahibawo sa insidente ngadto sa kapulisan.

Way foulplay nga nahitabo, matod sa pulis. (GPL)