PATAY ang construction worker nga nakuryentihan samtang nag-ayo sa battery charger sa alas 9:00 sa gabii niadtong Sabado, Nobiyembre 20, sa Barangay Balaygtiki, lungsod sa Dumanjug.

Si Zacarias Encarnation Marco, 39, minyo, nagpuyo sa nahisgutang lugar ug usa ka construction worker.

Si Police Staff Sgt. Merlo Dapar sa Dumanjug Police Station nagkanayon nga ang biktima nag-ayo sa battery charger apan electrical cord nagkonektar sa live electrical plug.

Gumikan niini, aksidenting nahikapan ang live clump sa improvised battery charger.

Ang biktima dead-on-arrival sa Barili District Hospital.

Samtang, hubog nga apprentice sa barko patay human misawom sa selpon nga nahagbong sa dagat alas 11:30 sa gabii sa Sabado sa Barangay Dunggoan, dakbayan sa Danao.

Si April John Magbanua, 28, ulitawo ug apprentice sa MV Rawda Express, nalumos.

Nagtagay kini kauban sa crew sa barko dihang ang selpon natagak ug ang biktima niambak ug gisawom apan nalumos na hinuon.