ANG gidaghanon sa nangamatay sa Bagyong Quinta (Molave) nisaka ngadto sa siyam, matod sa taho sa National Disaster Risk Reduction and Management Council (NDRRMC) sa Miyerkules, Oktubre 28, 2020.

Sa usa ka taho, ang NDRRMC niingon nga ang nangamatay: usa ka inahan ug iyang anak nga masuso nga nangalumos sa Magsaysay, Occidental Mindoro; usa ka tawo nga nalumos sa Mogpog, Marinduque; duha ka mga lalake ug babaye nga nadat-ugan sa natumbang kahoy sa El Nido, Palawan, Odingan sa Romblon ug Oriental Mindoro; ug usa ka tawo nga nalumos sa Odiongan, Romblon.

Laing duha nangamatay sa Central Visayas gisusi pa.

Gisusi pa ang laing duha nga nangamatay sa Central Visayas.

Ang NDRRMC niingon nga unom ka mga tawo nangaangol samtang laing duha pabiling missing.

Sa kinatibuk-an 49,557 ka mga pamilya kun 209,457 ka mga tawo sa 787 ka mga barangay sa nagkadaiyang mga dapit sa nasod ang apektado.

Mokabat usab og 1,742 ka mga pasahero, 464 ka rolling cargoes, 27 ka mga barko ug 32 ka mga sakyanan ang na-stranded sa nagkadaiyang mga pantalan sa apektadong mga dapit.

Labing minos 81 ka mga insidenre sa pagbaha, landslide o pagkahugno sayuta ug aksidente sa kadagatan ang natala.

Nidaut usab ang bagyo og P429.72 milyunes nga balor sa mga tanom ug mga imprastraktura.

Ang bagyong Quintana nibiya na sa Philippine Area of Responsibility sa Martes sa buntag.

Gibantayan karon sa Philippine Atmospheric Geophysical and Astronomical Services Administration (Pagasa) ang usa ka tropical depression nga nagpadung sa silingan sa utlanan sa Philippine area of responsibility (PAR). (SunStar Philippines)