Ang Cebu City Transportation Office (CCTO) mopatuman og “no parking zone” palibot sa Basilica del Sto Niño ug City Hall, karong adlawa, Abril 14, 2021.

Aron kahawanan ang City Hall square sanglit sa Plaza Sugbu ang venue sa santos nga misa sa ika-500 ka tuig nga pagselebrar pag-abot sa Kristiyanismo sa Sugbo.

Ang naandan nga pay parking area sa Compaña Maritima ug kasikbit nga dapit dili kini paparkingan og sakyanan lakip na ang mga motorsiklo. Sa kadtong dili motuman, i-clamp o guroyon paingon sa impounding area.

Ang Basilica ni-coordinate sa SM Seaside City ug Robinsons Galleria nga maoy designated parking areas sa mga bisita sa misa nga tambungan sa 700 ka mga individual. Samtang ang Carbon Market, kutob lang sa 5:00 karong buntag, Abril 14 ang mga delivery truck.

Si Lyntoni Alburo, pangulo sa CCTO, nagkanayon nga sama sa ilang gibuhat niadtong Semana Santa ang ilang i-apply sa Carbon para makontrolar ang bul-og sa mga sakyanan ug mga tawo. (PAC)