PAGPASIRA sa usa ka online school, spare parts shop nga nagpadayon sa ilang operasyon ingon man ang paghatod og gatas alang sa masuso, pipila sa mga aksiyon nga gihimo sa kagamhanan sa Lapu-Lapu, base sa nadawat nga tawag reklamo gamit ang emergency hotline sa city hall.

Gipadad-an og closure order ang QQ English sa Barangay Maribago lakip na nga tindahan nga namaligyag spare parts sa motorsiklo sa Barangay Basak gumikan sa kalapasan sa executive order ni Mayor Junard Chan sa dihang gipatuman ang enhanced community quarantine.

Pamilya sa Barangay Buaya nga way ikapalit og milk formula kay wa na makapamasada ang padre de pamilya nga usa ka traysikad draybe, ang gihatdan og gatas sa mayor. (FVQ)