USA ka drayber sa ambulansiya sa Cebu Provincial Capitol nakuhaan og P1.4 milyon nga balor sa ilegal nga drugas atol sa buy-bustn niadtong Huwebes, Mayo 16, sa alas 6:30 sa gabii sa Barangay Media Once, dakbayan sa Toledo.

Si Angie de Gracia, 37, minyo, ug nagpuyo sa nahisgutang lugar, napusasan sa Toledo Police Station nga pangulohan ni Supt. Janette Rafter.

Si Rafter, nga nahinabi sa SuperBalita Cebu, nagkanayon nga si de Gracia nasubay nila gumikan sa inpormasyon sa mga residente sa dapit.

Matod niya nga gipalitan ang dinakpan sa usa ka medium size balor ug usa ka libo.

Dihang ni dunol sa mga pulis ug daling gipusasan nakuhaan pa siya og laing duha ka mga dakong putos ug bultong drugas, lakip sa halin nga P2,300, weighing scale, ug sling bag.

Ang drugas motimbang sa 220 gramos, nga mobalor sa P1,496.000 milyunes.

Si Rafter niingon nga ang dinakpan job order (JO) employee sa Kapitolyo isip drayber sa ambulansiya sa Provinvial Health Office (PHO) sa lungsod sa Balamban.

Wala mo-drive sa ambulansiya sa miaging gabii mi-absent kay nagkuha sa iyang stock sa drugas sa dakbayan sa Sugbo. Wala kini sa listahan sa kapulisan sa nalambigit sa gidiling drugas. (GPL)