KAPIN sa tunga sa milyon ka pesos nga balor sa illegal nga drugas ang nasakmit sa mga sakop sa Provincial Intelligence Branch sa Cebu Provincial Police Office, atol sa buy-bust operation niini sa Barangay North Poblacion, syudad sa Naga, alas 6:30 Martes sa buntag, Pebrero 19.

Ang mga nadakpan giila nga silang John Paul Pantorilla, 29, nag puyo ra usab sa maong dapit; ug Bresnev Quimada, 29, taga Tuyan, syudad sa Naga.

Nakuha gikan kanila ang 14 ka pakete sa gituohang shabu nga motimbang og 80 gramos nga mobalor og P544,000, lakip sa nakuha ang usa ka 9mm pistol ug P15,000 nga buy-bust money.

Matod ni Senior Inspector Alejandro Batobalonos nga sakop sa usa ka drug group nga nag lihok sa syudad sa Talisay, ang mga dinakpan nailhan na nila kinsa kini.