MOABOT sa P8 milyones nga balor sa butane canisters ang nasakmit sa ronda sa nga gipangulohan sa Department of Energy (DOE) 7, giabagan sa Criminal Investigation and Detection Group (CIDG) 7 ug Regional Intelligence Division (RID) sa Police Regional Office (PRO) 7.

Ang gi-raid mao ang usa ka bodega sa Barangay Kalunasan, Siyudad sa Sugbo, pinangulohan ni Police Major Ronald Tolosa, deputy regional chief sa CIDG 7.

Nasakmit sa ronda ang butane canisters ug mga machine refilling device.

Si Tolosa niingon nga Martes sa gabie nila gironda ang bodega sa mga butane ug nakurat sila sa gidaghanon sa mga nasakmit.

Ang CIDG-7 wa pa mohatag og detalye sanglit nga nagpadayon pa ang pag-imbentaryo.

Samtang si Atty. Russ Mark Gamallo, pangu sa legal sa Visayas Field Office sa DOE-7niingon nga 12,000 ka mga butane nga tin can nga dunay sulod samtang anaa usab sa 11,000 empty tin cans ang ilang nasakmit.

Lakip sa nasakmit ang mga compresor ug refilling machine, lakip na ang unom ka mga sakyanan nga mga delivery van lakip sa nasakmit.

Gibana-bana nga di moubos sa P8 milyones ang kantidad sa butane canisters ug mga ekipo, lakip na sa mga sakyanan, ang ilang nasakmit.

Dugang pa ni Gamallo nga nasikop nila ang 10 mga tawo, apil na si Justin Monares, kinsa nailhan nga maoy tag-iya sa pundohanan butane.

Pipila ka mga reklamo sa mga lumolupyo sa dapit ang naabot sa buhatan sa DOE 7. (BBT)