ANG Land Transportation Office (LTO) 7 mipasayon sa transaksyon pag-imprinta sa plastic driver’s license.

Si LTO Regional Director Vic Caindec nitug-an nga nagpadayon ang dry-run sa queuing system nga ilang gipatuman sa Robinson Galleria Cebu.

Ang gustong magkuha og plastic nga lisensya nga moadto sa ilang printing office, inay maglinya, i-encode una ang ilang data sa computer.

Kuhaon ang ilang cell number ug ang system na maoy mohatag sa priority number ug oras sa pag-imprints sa ilang lisensiya.

Gihulagway sa pangulo sa LTO 7 nga wala pa kini mapahibawo sa publiko hinungdan nga daghan pa ang niadto sa Galleria para magkuha sa ilang lisensiya og naglinya.

Matod ni Caindec, una kini ang ilang gibuhat sanglit wala pa nila i-publikar ang website o link diin adto magkuha og appointment ang mga driver.

Kon malampuson ang queuing system, si Caindec niingon nga sundon kini sa laing mga temporary offsite printing office sa LTO sama sa SM Seaside City. (PAC)