Tungod sa nasinati nga pagsaka sa mga kaso sa coronavirus disease 2019 (Covid-19) sa Lungsod sa Dumanjug, gipahibaw sa lungsod nga suspensohon ang distribution sa modules sa tanan nga mga tunghaan sa lungsod sugod sa Enero 21 hangtod sa Pebrero 3.

Kini maoy gipahibalo sa lokal nga kagamhanan paagi nga malimitahan ang pagtapo.

Subay sa maong kamandoan, gisuspenso ang operasyon sa munisipyo alang sa ipahigayon nga disinfection.

Ipatuman na usab ang mas sayo nga curfew sa lungsod nga magsugod sa alas 8:00 sa gabii hangtod alas 5:00 sa buntag.

Kon kaniadto gitugot na ang pag dine-in sa mga kan-anan, gidili na usab kini karon ug take-out na lang ang buhaton.

Subay sa uwahing datos sa lungsod, 23 ang aktibong kaso sa Covid-19 diin sa kinatibuk-an moabot na sa 57 ka mga kaso. Niini, 32 ang nangaayo ug duha na ang namatay. (ANV)