ANG Reception and Study Center for Children sa Department of Social Welfare and Development (DSWD) Field Office 7 nanawagan og tabang sa publiko aron matultolan ang mga ginikanan ug kabanay sa bata nga ubos sa ilang pag-atiman karon.

Usa ka batang babaye, gibanabana nga bag-ong natawo nga gihatagan og pangalan nga ‘Hiraya Sofia Solana’ ni Felipa T. Solana, pangu sa City Social Welfare and Development Office (CSWDO) sa siyudad sa Talisay, Cebu.

Kaning bataa nakit-an ni Desiree Arabiz niadtong Hulyo 7, 2021 sa gibanabana nga alas 10:00 sa buntag sa Zone 4 sa Burgos St., Barangay Dumlog, Talisay City, Cebu.

Kon dili magpakita ang mga ginikanan ug kabanay o pagkuha sa bata sulod sa usa ka buwan gikan ning pagmantala, ang bata ipaubos sa proseso sa pagpasaka og administrative abandonment sa DSWD Central Office.

Pakigkita dayon sa social worker, Roselyn A. Bandibas sa DSWD Field Office 7 sa Camomot Franza Road, dan Katipunan, Barangay Labangon, siyudad sa Sugbo o kontak sa (032) 505-4466. (PR)