TOLOSA, Leyte - Pulis naangol dihang ang patrol car naaksidente sa highway sa Barangay San Roque ning lungsod alas 9 pasado sa buntag, Huwebes, Septiyembre 12, 2019.

Ang patrol car iya sa Northern Samar Police Provincial Office-Mobile Force Company (NSPPO-MFC). Ang sakyanan gimaneho ni Police Senior Staff Sergeant Archie Depaz.

Sakay niini ang laing upat ka mga pulis nga sila si Patrolwoman Genelyn Samante, Patrolman Mark Napoles, Patrolman Rommel Cugal ug Patrolman Roy Lendly Garcia.

Base sa inisyal nga imbestigasyon, gikan sa Baybay City, Leyte ang mga pulis paingon sa Tacloban City. Pag-abot sa lugar nga nahitaboan, wa makontrolar sa drayber ang sakyanan, hinungdan nga nitipas sa wala nga bahin.

Nibangga sa usa ka poste ug paril sa balay nga iya ni Reynaldo Morales. (JKDP)