CEBU. Nagpahigayon og kinalit nga drug test ang Philippine Drug Enforcement Agency- Central Visayas sa Cebu North Bus Terminal, Lunes sa buntag, Abril 15. ( Fe Marie Dumaboc)
Balita
PDEA gipadayon ang Oplan ‘Huli Week’
GIPADAYON sa Philippine Drug Enforcement Agency- Central Visayas ang Oplan “Huli Week” sa Cebu South bus Terminal ug North Bus Terminal (CNBT), Lunes sa buntag, Abril 15.
Sa CNBT kapin na sa napulo ka mga bus driver ang napaubos sa kinalit nga drug test.
Dungan usab sa Oplan “Huli Week,” mao ang pag-inspeksyon sa Land Transportation Franchising and Regulatory Board ug Land Transportation Office sa mga bus sa mga bus terminal kon kompleto ba ang ilahang dukomento ug wala ba’y deperensya ang ilahang mga sakyanan.
Dugang mga pulis na sab ang gipakatap sa Mandaue City Police Office sa CNBT, human nga sugod na sa pagdagsa ang mga manguliay ug mga turista sa probinsya sa Sugbo.