SI presidential aspirant Christopher “Bong” Go sa Miyerkules, Nobyembre 17, 2021, nisalikway sa pangangkon ni Davao City Mayor Sara Duterte-Carpio nga gibalibaran siya sa Partido Demokratikong Pilipino- Lakas ng Bayan (PDP-Laban) sa dihang nangayo siya og suporta sa iyang kandidatura isip bise presidente sa 2022 national elections.

“I will let the PDP leadership clarify these matters in due time. Alam ko naman po na wala kaming tinatanggihan,” matod ni Go sa usa ka pamahayag.

“As I have said earlier, kung ako lang ang tatanungin, siya ang aking sinusuportahan sa pagka-bise presidente,” dugang niya.

Si Go nidagan ubos sa Pederalismo ng Dugong Dakilang Samahan (PDDS) party kauban si Duterte nga modagan pagka senador.

Sa laing bahin, sa usa ka pamahayag, si PDP-Laban Secretary General Melvin Matibag niingon nga ang ilang paksyon nga gipangulohan ni Energy Secretary Alfonso Cusi “nag-una sa linya” sa dihang ang pamunoan nakahukom nga magpadayon sa pagsuporta kang Go.

Wa siya direktang motubag sa pangangkon ni Carpio nga ilang gisalikway.

“We respect the decision of Mayor Sara Duterte, but the PDP has its alliance with PDDS among others. Our alliances are strong and our leaders’ and members’ discipline, spirit and morale are high,” matod ni Matibag.

“We have toed the line and will support the candidacy of Senator Bong Go for President and President Rodrigo Duterte for Senator,” dugang niya. (TPM sa SunStar Philippines)