Duna nay person of interest ang Abellana Police Station sa Cebu City Police Office (CCPO) sa pagkawat sa usa ka motorsiklo sa delivery rider nga igo lang nihatod sa order sa iyang kustomer sa dalan Acacia, Brgy. Kamputhaw, dakbayan sa Sugbo sa Sabado, Hunyo 3, 2023.

Matod ni Police Captain Jefferson Sinfuego, hepe sa Abellana Police Station, nga dunay nakahatag og impormasyon nga nisulod ang kawatan sa luyo sa barangay hall sa Lahug.

Wala mag helmet ang kawatan nga niangkas sa motorsiklo ug nidiretso sa pagpadagan paingon sa Brgy. Lahug.

Ang yawe sa motorsiklo nagtangag pa hinungdan nga ang kawatan nga naglingkod sa duol nakahigayon sa pagpaandar.

Gipang subay na kapulisan ang mga footage sa CCTV camera sa dapit nga silbeng giya sa ilang imbestigasyon.

Masaligon ang kapulisan nga ila ra kining madakpan sanglit duna nay team nga gitahasan sa pagpangita sa kawatan.