NAGSINARDINAS ang mga piniriso sa detention cell sa lungsod sa Liloan, diin 50 lang unta ang kapasidad apan, moabot na karon og 225 ang nasud sa naasoyng selda.

Si PMajor Danilo Colipano, hepe sa kapulisan sa Liloan, nga sukad niadtong Enero ning tuiga, gipatuman niya ang pulipuli og katulog sa mga piniriso sulod sa upat ngadto sa lima ka oras matag gabii.

Nangayo na sila og pakitabang sa Cebu Provincial Detention and Rehabilitation Center (CPDRC) ug ubang silingang police stations apan gibalibaran tungod kay puno sab.

Nagpatabang na sila kang Mayor Christina Frasco, apan wala pa usab kini kabutangan sa pagkakaron human balibari sa CPDRC.

Si Colipano nidala og suwat sa Bureau of Jail Management and Penology (BJMP) 7 aron katabangan sa ilang dakong problema.

Matod niya, nga duna nay nagkasakit tungod sa maong sitwasyon apan, nipasalig siya magpabilin ang ilang hugot nga seguridad sa selda. (GCM)