USA ka pintor namatay sa tambalanan niadtong Sabado sa kaadlawon, Oktubre 19, pipila ka oras human siya gidala sa iyang mga kauban sa trabaho human makuryentihe.

Ang biktima nga giilang si Michael Legaspi, 48, taga Urgello st., Barangay Sambag 2, tipik sa mga trabahante sa usa ka edipisyo sa Barangay Santa Cruz, Dakbayan sa Sugbo.

Matod ni P/Maj. Eduard Sanchez,hepe sa Abellana Police, nga usa ka Richie Encarguez, sakop sa emergency response sa Cafe Security Agency, nipahibawo kanila alas 12 na sa udto niadtong Sabado kalabot sa hitabo. (BBT)