DROGAS nasad nga mobalor sa tunga sa milyon ka pesos ang nasakmit sa Pardo Police Station sa usa ka 41 anyos nga pintor sa Sitio Kabayoan, Barangay Inayawan sa siyudad sa Sugbo alas 2:30 sa kadlawn, adlawng Huwebes, Agosto 22, 2019.

Nangulo sa operation ang hepe mismo sa Pardo Police Station nga si Police Major John Kareem Escober.

Ang nadakpan giila na m si Bonjie Yap Tillo, alyas "Budok," nga nagpuyo ra usab sa maong lugar.

Nakuhaan si Tillo og mga pinakete sa gituohang shabu nga gisulod sa puwa nga pouch nga mo kantidad ang tanan sa P544,000.

Nalakip si Tillo sa watchlist sa Pardo Police Station ug nabutang sa high value target sa Cebu City Police Office diin migawas ang iyang pangalan sa ubang dakop sa Pardo ug gitug-an usab sa CCPO hotline.

Gipaubos pa sa imbestigasyon ang dinakpan alang sa pag susi sa iyang source sa illegal nga drogas. (Superbalita Cebu)