DIREKTOR sa Cebu Povincial Police Office (CPPO) nga si Police Colonel Manuel Abrugena ang giparelibohan na sa katungdanan sa Kampo Crame nga pinitsahan niadtong Martes, Hunyo 18, ug gibalhin sa National Capital Region Police Office (NCRPO).

Niabot ang order gikan sa Crame niadtong Miyerkules, Hunyo 19, sa hapon ug gipahibawo siya nga hulipan na siya ni Police Colonel Roderick Mariano nga iya ra usab nga classmate sa Philippine National Police Academy (PNPA) class of 1995.

Wala na makurat pa si Col. Abrugena sa pagparelibo kaniya sa katungdanan sanglit alang niya kabahin kini sa iyang trabaho isip usa ka police nga sama usab sa nahitabo sa dihang kalit siya nga gilabay sa Sugbo usa ka tuig na ang nakalabay.

“Kase part and parcel ng aking trabaho yan katulad po ng pagpunta ko dito surprise din po na bigla akong naging acting provincial director dito sa cebu and yan pong katulad ng pagdating ng aking relief order ganun din po kaya i am not surprise,” matod ni Col. Manuel Abrugena.

Wala pay tino nga posisyo Col. Abrugena sa NCRPO ug magpaabot lang siya kn unsay ihatag nga trabaho. Wa sab siyay kasayuran nganong girelibohan sa katungdanan. (AYB)