GIIMBARGOHAN na sa iyang service firearm ang pulis nga nikaratil pagdagan sa dihang ipaubos na unta sa drug test niadtong Martes sa buntag, Hunyo 19.

Si Police Regional Office (PRO) 7 Director Chief Supt. Debold Sinas niila sa maong pulis nga si PO3 Arvin Hernandez, kinsa nadestino sa Regional Personnel Holding Accounting Unit sa Police Regional Office 7.

Lakip sa gipaimbargo ni Sinas ang iyang badge ug identification (ID) card samtang magpadayon ang himuon nga imbestigasyon kaniya.

Niadtong miaging hapon, naatlan sa hepe niini sa RPHAU si Hernandez sa ilang balay nga naa sa syudad sa Sugbo aron pabalikon sa kampo tungod sa iyang pagdagan.

Gipatawag dayon siya ni Sinas sa iyang opisina aron mangayog pagpasabot nganong mikalit kinig dagan.

Nirason ra, matod pa, si Henandez nga nahadlok siya sa drug test nga wa mohatag og katin-awan kon ngano ug giingong aduna usab ni gihambin nga personal nga problema.

Tungod niini, nimando si Sinas nga ipaubos sa drug test si Hernandez kagahapon sa buntag.

Bisan kon ni-report na kini sa trabaho, apan mag-atubang og kasong insubordination ang atubangon niining maong pulis nga gihulagway sa ni Sinas nga grave offense. (AYB)