Sakop sa usa ka kulto namatay samtang pulis naangol atol sa pinusilay tali sa upat ka mga tawo nga ila untang dakpon sa alas 2:30 sa kaadlawon sa Biyernes, Abril 23, 2021 sa Purok Nangka, Sityo Ilihan, Barangay Lataban, lungsod sa Liloan.

Patay ang usa ka sakop sa "Tadtad" atol sa sinukliay sa bala alas 2:30 ka kadlawon didto sa Purok Nangka, Sitio Ilihan, Brgy. Lataban, lungsud sa Liloan.

Ang namatay giilang si Arnel Cabahug Capangpangan, minyo, 35, taga Iligan City, giingong sakop sa kultong Tadtad.

Samtang samdan ang iyang igsuong si Marlou Cabahug Capangpangan, 25.

Naangol mao si Police Lieutenant Zosimo Ravanes Jr. , 53, team leader sa Anti-Kidnapping Group- Visayas Field Unit (AKG-VFU) 7.

Ang nga sakop sa AKG 7, Regional Intelligence Division (RID) ug Liloan Police Station ning-serve sa warrant of arrest sa kasong rape batok sa upat ka mga akusado, nga naglakip sa magsuong Capangpangan

Apan gipamusil ang mga pulis hinungdan nga nahitabo ang pinusilay.

Si Ravanes naigo sa walang kilid sa lawas ug ang bala niungot hinungdan nga siya operahanan.

Ang laing duha nga wa pa nganli ning pagsuwat apan kabanay sa duha nakaeskapo. (GPL)