Sawang na’y secret jail?
Gisusi sa Commission on Human Rights (CHR 7) ang matod pa sekreto nga bilanggoan nga nahimutang sa kilid sa Sawang Calero police station sa Cebu City, base sa pasangil sa tulo ka nagpa-ilang biktima nga gidakop niadtong 11 ka pulis sa Sawang Calero.
Matod pa nga gitanggong sila sud sa pipila ka adlaw sa maong sekretong bilanggoan nga way gipasaka nga kaso batok kanila.
Uban sa misusi ang personnel gikan sa Integrity Monitoring and Enforcement Group Visayas Field Unit nga maoy mipasaka og kasong kriminal batok sa maong mga pulis.
Si CHR 7 chief investigator Leo Villarino maoy nangulo sa pakisusi kuyog sa duha ka babayeng reklamante.
Sigun sa pasangil sa usa ka reklamante nga gidakop siya ug ang iyang bana sa grupo ni Police Staff Sergeant Celso Colita ug gitanggong sa sekretong lawak sud sa tulo ka adlaw niadtong Marso 9, 2021 ug gikuha ang iyang kwarta nga halin sa ilang tindahan lakip na ang ilang alahas.
