Nobiyembre 21 kada tuig, ang Birhen sa Regla, patron sa dakbayan sa Lapu-Lapu, magsaulog sa iyang kapistahan.

Usa sa mga tradisyonal nga kalihokan sa parokya ug mga deboto sa Birhen mao ang seremoyas sa pag-ilis sa bistida sa balaang imahen.

Ning tuiga, si Lapu-Lapu City Mayor Junard Chan uban sa iyang asawa Cindi King Chan, chairperson sa Tourism, Cultural and Historical Affairs Commission (TCHAC), maoy nidonar sa bag-ong sinina isip ilang gasa alang sa kapistahan sa mirakulusong imahen ni Nuestra Señora de la Regla.

Ang sinina o borda del cielo liturgical vestment gidesenyo ni Bernie Adlawan, kinsa nag-alagad sa kapistahan sa Birhen sulod na sa 20 ka tuig.

Usa kini sa talagsaong sinina tungod sa espisyal nga disenyo ug gikinamot sa paghimo, ginama sa kolor bulawan nga tanod nga gilaki ug dunay gipangbutang nga Swarovski crystals sa tibuok sinina.

Si Fr. Bernard Corpuz, kura sa Nuestra Señora Dela Regla, nipadayag sa iyang tumang kalipay dihang gitunol kaniya ang nindot nga sinina alang sa Birhen gikan sa magtiayong Chan.

Miyerkules, Nobiyembre 18, alas 6:00 sa gabii, ang Birhen giilisan sa iyang bag-ong biste alang sa piyesta nga sul-ubon hangtod sa “Hubo” sa Nobiyembre 28, 2020.

Lakip ang iyang korona giilisan. Ang korona nga iyang gisul-ob karon mao ang canonical crown nga gibendisyonan ni Pope Pius niadtong 1954, dili gamiton lang matag espisyal nga adlaw sama sa piyesta sa Birhen.

Kini nagpakita lang sa gugma sa mga Opongonanon ug mapasalamaton kang Nuestra Señora Dela Regla pinaagi sa ilang debosyon sa patron.

Ang administrasyon ni Chan nanghinaut nga giyahan sa pagtahod sa labing maayong serbisyo sa gimahal nga dakbayan. / RRM gikan sa PR