SA IKATULONG higayon, ipahigayon karong tuiga ang Siomai Festival Fun Run isip parte sa mga kalihokan sa Siomai Festival.

Karong Septiyembre 22, 2019, Dominggo, himuon ang Siomai Festival Fun Run diin pinasiugdahan kini sa Barangay Tisa Senior Citizens Association ug sa Marathon Organizers of Metro Cebu.

Alang karong tuiga, aduna'y tulo ka mga kategoriya, ang Open Elite Runner A nga 9-kilometros ang gilay-on sa dagan diin P350 ang registration fee niini.

Ang Executive Runner B nga 6-kilometros ang distansya sa maong dagan diin P300 ang registration fee niini.

Ug ang senior/student nga category diin 3-kilometros ang distansya niini ug registration fee nga P250.

Ang tanang mga kategoriya aduna kini'y singlit ug race bib.

Matod sa race director niini ug event organizer Joe Deresas nga magsugod ang dagan alas 6 sa buntag diin diha sa Gaisano Tisa ang start ug finish line.

Sumatotal anaa sa P64,000 ang premyo nga pinunduhan sa Cebu City Government ug sa Barangay Tisa Council.

Ang proceeds sa maong kalihokan adto ihapak sa mga kalingawan sa Siomai Festival 2019 diin magsugod karong Septiyembre 20 hangtod 29.

Extended ang registration hangtod Septiyembre 20, alas 5 sa hapon.

Bisita sa Tisa Barangay Hall alang sa rehistrasyon. (Superbalita Cebu)