Balita

Tag P1M sa SK ihatag sa Siyudad, gamiton sa programa sa batan-on

Sunnexdesk

MADAWAT na sa 80 ka mga Sangguniang Kabataan (SK) ang ilang tag P1 milyon nga financial nga abag gikan sa Cebu City Government sunod semana.

Si City Administrator Floro Casas Jr., kinsa gitahasan ni Mayor Edgardo Labella sa pag-release sa ayuda, nagkanayon nga ilang ipatawag ang mga SK Chairman sunod semana aron pag-release sa ilang tseke.

Ang mga SK chairperson ipaubos og financial management training nga molanat og tunga sa adlaw ug isunod dayon ang distribution.

Si SK Federation President Jessica Resch, kinsa ex-officio member sa City Council, naningkamot ug nakig-alayon sa buhatan ni Labella para madali ang pag-release sa maong ayuda.

Ang financial assistance lakip sa annual budget niadtong 2019 atol sa katapusang tuig ni kanhi Mayor Tomas Osmeña.

Ang P1 milyon sa matag barangay gamiton sa SK para sa pagpatuman sa ilang mga proyekto sa barangay.

Ang prayoridad nga makabenepisyo mao ang kabataan.

Sama pananglit sa SK sa Barangay Babag nga mogamit sa ilang P1 milyon para sa Babag Integrated School, pagpanindot sa SK office, pagpalit og sound system, monoblock chairs ug tables, computer sets ug uban pa nga magamit sa kabataan.(PAC)

Buhisan Dam.

City Council urges MCWD to address Buhisan dam desilting

'Muddy water' irks some residents

Piston Cebu skips transport strike for 2nd time, plans rally against PUVMP outside LTFRB 7

DILG allows police, jail, fire personnel to wear light uniforms due to summer heat

Defense chief: PH didn't sign any contract with China concerning Ayungin Shoal