ALLEN, Northern Samar - Gikustodiya sa kapulisan ning lungsod ang usa ka opisyal barko nga nakuhaan og mga armas nga way lisensya.

Ang pagsikop nahitabo sud sa M/V Natahan Matthew nga nagdunggo sa Sta. Clara port sa Allen, alas 2:30 sa hapon sa miaging Miyerkules, Oktubre 2, 2019.

Giila ang suspek nga si Jhunry Manulat, 40, second mate, taga Poblacion Danao, amihanang Sugbo.

Ang mga sakop sa Philippine Coast Guard ug kapulisan sa Allen nihimo og routine inspection sa barko partikular sa cabin ni Manulat.

Nasakmit sa mga awtoridad ang mga armas ug bala sa nagkalain lain nga kalibre.

Naglangkob kini sa usa ka kalibre .45 nga pistola; usa ka .357 Magnum revolver; 2 ka magazine sa kalibre .45 ug 31 ka round sa bala sa samang kalibre; 33 rounds nga bala sa kalibre 9mm; unom ka rounds sa kalibre .38 ug duha ka rounds sa kalibre .22. Duna usab duha ka optical sights ug 1 ka gun suppressor. (JKDP)