LIBOAN ka mga tinun-an ug mga mag tutudlo sa dakbayan sa Talisay ang mosalmot sa pagahimoon nga Nationwide Simultaneous Earthquake Drill (NSED), alas 2 sa hapon karong adlawa.

Kini mao ang gikompirmar ni Dr. Byrceles Daan, Disaster Risk Reduction and Management (DRRM) coordinator sa DepEd Talisay kagahapon.

Mokabat sa 48, 442 ka mga tinun-an gikan sa 26 ka publikong mga tunghaan sa elementarya ug 18 sa high school ang gikatakdang mohimo sa maong kalihukan.

Matod ni Daan nga ang pagpahigayon og earthquake drill, importante kaayo ngadto sa mga tunghaan aron mas andam ang mga tinun-an ug mga magtutudlo kon adunay mahitabong katalagnman.

“It is very important, kay in case naay mahitabo nga earthquake nga naa pa sila sa school, kabaw na sila daan kon unsa ilang buhaton,” matod ni Daan. (Jude Suhot)