DILI pa makadawat sa ilang tag P10,000 nga livelihood assistance ang dul-an 60,000 ka pamilya human temporaryong gipahunong sa Department of Social Welfare and Development(DSWD) ang distribution.

Si Cathy Yso, Secretary to the Mayor sa Cebu City Government, nikumpirmar sa Superbalita Cebu nga sugod sa niaging adlaw wala na mopahigayon og apud-apod ang DSWD nga giabagan sa DSWS.

Si Mayor Tomas Osmeña nibasol kang Bise Mayor Edgardo Labella sa temporaryong paghunong sa distribution sanglit mapahimuslan na unta kini sa mga kabus.

Ang bise mayor nihulagway nga kon dili mauswag ang distibution sa maong hinabang, nabalaka siya nga adunay election laws nga malapas hilabi na nga nagsinabot ang piniliay sa Barangay ug SK.

Pabor si Labella nga ioktaba ang pagpanghatag liwas na sa election sanglit aduna siyay report nga nadawat nga gisakyan sa mga kandidato sa barangay nga kaalyado ni Osmeña ang distribution para ilang makuha ang boto.

Ang pormal nga kampanya para sa eleksyon karong Mayo 14 magsugod Mayo 4 hangtod sa Mayo 12.

Si Osmeña nibasol kang Secretary Michael Dino kinsa maoy iyang gitumbok nga niimpluwensya sa DSWD. (PAC)