ORMOC City, Leyte - Malinawon sa kinatibuk-an ang piniliay sa Eastern Visayas, matod sa Police Regional Office (PRO) 8.

Matod sa PRO 8, way major incidents nga ilang naitala atol sa piniliay. Gawas lang niadtong dunay pipila nga nadakpan sa liquor ban, vote buying ug pagpamusil nga padayon pa nga giimbestigar.

Gidayeg ni PRO8 Director, Police Brigadier General Dionardo Carlos ang iyang mga sakop ingon man ang ubang force multipliers ug stakeholders sa estrikto nga pagpatuman sa balaud.

Ang PRO 8 nag deploy og 8, 625 ka mga pulis lukop rehiyon para ibutang sa mga polling precincts. (JKDP)