GIBUTYAG ni Lapu-Lapu City Mayor Paz Radaza nga wa pay makadawat sa P1 million nga ganti sa Kagamhanan sa Dakbayan sa Lapu-Lapu alang sa kasulbaran sa kaso sa linuog nga pagpatay kang Christine Lee Silawan.

Kini human nagpadayon pa ang imbestigasyon sa kaso ni Christine Lee sa mga kapulisan ug sa NBI-7 aron mataral usab sa hukmanan ang lain pang suspek sa pagpatay sa dalagita.

Una nang nasikop ug napasakaan og kaso ang 17-anyos nga lalakeng menor de edad kalabot sa kamatayon sa dalaga niadtong Lunes sa hapon, Marso 18.

Mag-agad ra ang mayor sa rekomendasyon sa mga awtoridad kon kinsa ang makadawat sa ganti kon hingpit nang masulbad ang kaso ni Christine Lee. (GCM)