KON maghisgot sa pinakadaghang titulo sa NBA, anaa sa pinakataas mao si Bill Russell sa Boston Celtics.

Si Russell midaog og 11 ka titulo ubos sa Boston sa tuig 1957, 1959, 1960, 1961, 1962, 1963, 1964, 1965, 1966, 1968 ug 1969.

Ang nagsunod kang Russell mao si Sam Jones nga adunay 10 ka titulo.

Si John Havlicek, Tom Heinsohn, K. C. Jones ug Tom “Satch” Sanders nagtabla nga adunay walo ka titulo.

Gisundan kani nila Jim Loscutoff, Frank Ramsey ug Robert Horry nga midaog og pito ka NBA crown.

Si Michael Jordan, Scottie Pippen, Bob Cousy ug Kareem Abdul Jabbar adunay unom ka titulo.

Samtang si Kobe Bryant, Derek Fisher, Tim Duncan, Magic Johnson, Dennis Rodman, Ron Harper, Steve Kerr, George Mikan, Jim Pollard, Slater Martin, Larry Siegfried, Don Nelson ug Michael Cooper adunay lima ka titulo. (RSC)