Isports

Abando nanghawod sa Slam Dunk Contest sa Korea

Richiel S. Chavez

Misundayag sa iyang mga maanindot ug lutaw nga hansak ang Pinoy player nga si Rhenz Abando aron langkaton ang Slamdunk Contest title atol sa 2023 KBL All-Star Dominggo, Enero 15 didto sa Suwon KT Arena.

Nakadawat og perpekto nga 100 overall points si Abando alang sa iyang mga hansak sa duha ka rounds.

Sa first round, mibuhat si Abando og tulo ka dunks nga mao ang two-handed 360 slam, two-handed alley-oop slam gikan side board pass ni RJ Abarrientos ug ang top-board reverse dunk nga nakakuha og 50 points sa judges.

Impresibo pud ang iyang second round nga mao ang two-handed windmill nga gisundan og one-handed windmill nga gihatagan gihapon og 50 points.

Ang kanhi NCAA Most Valuable Player mibulsa sa titulo og premyo nga KRW2 million o P88,000.

Gilupig ni Abando sila Suwon KT SonicBoom’s Ha Yun-gi (90 puntos), Ulsan Hyundai Mobis Phoebus’ Choi Jin-soo (89), ug Goyang Carrot Jumpers’ Park Jin-cheol (87). (RSC)

BSP

BSP: Protect your money, use bank services

Maricel Soriano says condo unit in leaked PDEA docs sold in 2012

Trillanes: Police officials recruiting for destabilization plot vs Marcos

PH inflation for April 2024 stands at 3.8 percent

CH to Capitol: Explain terminals’ lack of biz permits