Giduslitan ni Calvin Abueva ang uwahing rally sa Magnolia aron kuliton ang 88-79 nga kadaugan batok sa Meralco Bolts sa Game One sa semifinals series sa PBA Philippine Cup sa Don Honorio Ventura State University gym sa Bacolor, Pampanga.

Kini bisan pa man og anaa na sa foul trouble nga sitwasyon ang beteranong power forward kinsa nahulbot sa Hotshots gikan sa poder sa Phoenix Fuel Masters sa Pebrero ning tuiga baylo ni Chris Banchero.

Sa kinatibuk-an, si Abueva mitali og 13 puntos, pito ka assists ug duha ka steals, lakip na niini ang iyang gihimo sa uwahing bahin bisan pa man og aduna na kini lima ka fouls.

Sukwahi sa ilang panagsangka sa elimination round, ang Magnolia ning higayona maampingon nga miprotehir sa ilang double-digit nga labaw nga gani niabot og 14 puntos sa uwahing bahin sa duwa.

Sa kadaugan, ang Hotshots maoy nakauna sa best-of-seven series, 1-0.

Ang 33-anyos nga Abueva mao karon ang nag-una sa statistics alang sa Best Player of the Conference award diin sikit nga nagsunod kaniya ang rookie sa TNT Tropang Giga nga si Mikey Williams.

Siya may total statistical points nga 36.4 points samtang 35.8 points ang nahipos ni

Apan alang kang Abueva ang paglangkat sa kampiyonato sulod sa walo ka tuig maoy anaa sa iyang alimpatakan.

“Ang mindset ko yung makapunta kami ng finals and makuha ang championship,” matod ni Abueva nga nakuhaan og pamahayag sa Spin.ph. (JBM)