GIANUNSYO ni Philippine Azkals star James Younghusband kagahapon nga moretiro na siya sa pagduwa og football.

Ang 33 anyos nga football player mipahibalo niini sa iyang social media account nga adunay photo highlights sa iyang kinabuhi sulod sa football field.

“Time to say goodbye. Thank you for the amazing memories. I have loved playing this game,” caption sa post ni Younghusband nga napatik sa GMAnews.tv.

“Thank you to my family, bosses, managers, coaches, team mates, opponents and all my supporters who have been part of my professional career.”

Ang manghod ni James nga si Phil unang miretiro niadtong Nobiyembre, 2019.

Ang magsuong Younghusband makonsiderar nga maoy labing bantugan nga nahimong magduduwa sa Azkals. (ESL)